Maxfiylik siyosati

1. Biz kimmiz va bogʻlanish

Xizmat egasi va maʼlumotlar uchun masʼul — DentalPlace jamoasi. Maxfiylik boʻyicha har qanday savol, soʻrov yoki shikoyat uchun: azamovhud007@gmail.com. Odatda 30 kun ichida javob beramiz.

2. Qanday maʼlumot yigʻamiz

Faqat xizmat ishlashi uchun kerak boʻlgan maʼlumotni yigʻamiz:

• Hisob maʼlumotlari. Telefon raqami (SMS-kod bilan kirganda) yoki Google/Apple orqali kirganda provayder beradigan identifikator, ism va email.
• Profil. Ism, foydalanuvchi nomi (username), rol (shifokor yoki talaba), ixtiyoriy ravishda: rasm, oʻzingiz haqingizda, klinika yoki universitet, mutaxassislik, ish tajribasi.
• Siz joylagan kontent. Klinik caseʼlar (matn, foto va video), izohlar, “like”lar, saqlangan caseʼlar va kitoblar, siz yuborgan shikoyatlar.
• Akademiya. Boshlangan kurslar, darslar boʻyicha progress va video toʻxtagan joy, test javoblari va natijalari, berilgan sertifikatlar.
• Texnik maʼlumotlar. Kirish sessiyalari uchun qurilma nomi, IP-manzil va brauzer/ilova turi (user-agent). Ular hisobingiz xavfsizligi, suiisteʼmol va spamga qarshi kurash uchun ishlatiladi.
• Faqat telefoningizda saqlanadigan maʼlumotlar. Til va mavzu sozlamalari, kitob oʻqish joyi, tugallanmagan test javoblari. Ular serverga yuborilmaydi.

3. Nimani yigʻMAYMIZ

• Joylashuv (GPS), kontaktlar, SMSʼlaringiz yoki qoʻngʻiroqlar tarixi.
• Reklama identifikatorlari. Ilovada reklama yoʻq.
• Uchinchi tomon analitikasi yoki kuzatuv (tracking) vositalari.
• Parollar — biz parol soʻramaymiz: kirish SMS-kod yoki Google/Apple orqali.

4. Ruxsatlar

Kamera va galereyaga ruxsat faqat siz oʻzingiz tanlagan rasm yoki videoni case yoki profil rasmi sifatida yuklash uchun soʻraladi. Ilova fonda hech narsani olmaydi va siz tanlamagan fayllarga tegmaydi.

5. Maʼlumotdan qanday foydalanamiz

• Hisobni yaratish, kirishni tasdiqlash va sessiyalarni boshqarish.
• Profilingiz, caseʼlaringiz va izohlaringizni boshqa foydalanuvchilarga koʻrsatish.
• Kurs va testlardagi progressni saqlash, sertifikat berish va uni raqami boʻyicha tekshirish imkonini berish.
• Kontentni moderatsiya qilish, shikoyatlarni koʻrib chiqish, xavfsizlik va suiisteʼmolga qarshi kurash.
• Xizmat haqida muhim xabarlar (masalan, caseʼingiz moderatsiyadan oʻtgani) — ilova ichida.

6. Bemorlar maʼlumoti

Case joylashdan oldin bemor shaxsini aniqlab boʻlmasligiga ishonch hosil qilishingiz shart: yuz, ism, hujjatlar, kasallik tarixi raqamlari va boshqa aniqlovchi belgilar koʻrinmasligi kerak, va sizda bemorning roziligi boʻlishi kerak. Bunga case muallifi masʼul. Qoidaga zid kontent moderatsiya tomonidan yashiriladi yoki oʻchiriladi. Bunday kontentni koʻrsangiz, ilova ichidagi “Shikoyat qilish” orqali yoki email bilan xabar bering.

7. Kim nimani koʻradi

• Hammaga ochiq: profilingiz (ism, username, rol, rasm, oʻzingiz haqingizda yozganlaringiz), nashr qilingan caseʼlaringiz va izohlaringiz.
• Sertifikat tekshiruvi: sertifikat raqamini bilgan odam undagi ism, kurs nomi va sanani koʻra oladi.
• Hech qachon ochiq emas: telefon raqamingiz, emailingiz, sessiyalaringiz va test javoblaringiz.

8. Uchinchi tomon xizmatlari

Maʼlumotlaringizni sotmaymiz va reklama uchun bermaymiz. Xizmat ishlashi uchun quyidagi provayderlardan foydalanamiz:

• Google Firebase Authentication — Google va Apple orqali kirishni tasdiqlash.
• Apple (Sign in with Apple) — Apple ID bilan kirish.
• Eskiz.uz — telefon raqamingizga SMS tasdiqlash kodi yuborish.
• Cloudflare — sayt va fayllarni (case rasmlari, kitoblar, videolar) xavfsiz yetkazish va saqlash (R2).
• Oracle Cloud — server va maʼlumotlar bazasi joylashgan hosting.

9. Hisobni va maʼlumotlarni oʻchirish

Hisobingizni istalgan vaqtda ilovaning oʻzida oʻchirishingiz mumkin: Profil → Sozlamalar → Hisobni oʻchirish. Xavfsizlik uchun avval SMS-kod yoki Google/Apple orqali shaxsingiz tasdiqlanadi.

Oʻchirish darhol amalga oshadi va qaytarib boʻlmaydi. Hisobingiz, profilingiz, barcha caseʼlaringiz (rasm va videolari bilan), saqlanganlaringiz, kurs progressingiz, test natijalaringiz va sertifikatlaringiz oʻchiriladi. Boshqalarning caseʼlariga yozgan izohlaringiz “Oʻchirilgan foydalanuvchi” nomi bilan qoladi. Yuklangan fayllar oʻchirish navbatiga qoʻyilib, qisqa vaqt ichida saqlash xizmatidan ham oʻchiriladi.

Ilovaga kira olmasangiz, roʻyxatdan oʻtgan telefon raqamingiz yoki emailingizni koʻrsatib azamovhud007@gmail.com manziliga “Hisobni oʻchirish” mavzusi bilan yozing — egalikni tasdiqlaganimizdan keyin 30 kun ichida oʻchiramiz.

Xavfsizlik uchun shifrlangan zaxira nusxalar saqlanadi va muntazam almashtiriladi; oʻchirilgan maʼlumotlar zaxira davri tugagach ulardan ham butunlay chiqib ketadi.

10. Saqlash muddati

Maʼlumotlaringiz hisobingiz faol boʻlgan vaqt davomida saqlanadi. Kirish sessiyalari muddati tugagach avtomatik oʻchiriladi. Hisob oʻchirilganda maʼlumotlar yuqoridagi boʻlimda yozilganidek oʻchiriladi.

11. Xavfsizlik

Barcha ulanishlar HTTPS orqali shifrlanadi. Kirish tokenlari telefoningizning xavfsiz xotirasida (Keychain/Keystore) saqlanadi. Serverga kirish cheklangan, zaxira nusxalar shifrlangan. Hech bir tizim mutlaq xavfsiz emas, lekin maʼlumotlaringizni himoya qilish uchun oqilona choralar koʻramiz.

12. Bolalar

DentalPlace stomatologlar va stomatologiya talabalari uchun moʻljallangan va 16 yoshdan kichiklar uchun emas. Bunday foydalanuvchi maʼlumoti bizga tushganini bilsak, uni oʻchiramiz.

13. Sizning huquqlaringiz

• Maʼlumotlaringizni koʻrish va profil sahifasida tuzatish.
• Hisobni va maʼlumotlarni oʻchirish (yuqoridagi boʻlim).
• Maʼlumotlaringiz nusxasini olish yoki ularni qayta ishlashga eʼtiroz bildirish — azamovhud007@gmail.com orqali.

14. Siyosatdagi oʻzgarishlar

Siyosatni yangilasak, ushbu sahifadagi sanani oʻzgartiramiz, muhim oʻzgarishlar haqida esa ilova ichida xabar beramiz.